Menu

HomeNewsBooksCD & DVDBackgroundContact UsShopPostage

Language



My Account

email :

password :

Register nowForgotten password?
Shop

Quantity:

Alison Lang
Cainnt na Caileige Caillte
9781900901512
book   £ 8.99

Foillsichte 31 an Lùnastal 2009

Sgeulachdan goirid drùidhteach, ealanta

Faodaidh sibh an leabhar fhaighinn gu sabhailte an seo, no cuiribh fon gu 0141 337 6211 (9am-5pm, Diluain gu Dihaoine) no facs gu 0141 341 0515.


An Leabhar

Anns an dorchadas tha caileag fhiadhaich a chaidh àrach le madaidhean-allaidh na laighe, a’ feitheamh air cunnart nach eil fad’ air falbh. Ann an oifis pàipeir-naidheachd tha sgrìobhadair a’ feuchainn ri rèiteachadh a dhèanamh eadar eachdraidh phearsanta is cùisean mòra an t-saoghail, rud nach eil furasta dhi. Air sràid an Dùn Èideann chì tè bheusach chràbhach rud a chuireas uabhas oirre – am bi buaidh aige air a beatha? Agus aig taisbeanadh ealain tha seann bhoireannach ga h-aithneachadh fhèin ann an dealbh bho h-òige. Dìreach ceithir seallaidhean à dusan sgeulachd a tha a’ toirt leotha sgrìob air leth farsaing am measg caochladh sheòrsachan beatha is suidheachaidh.

Ach, mar a thuigeas an tè-naidheachd, tha cuid de rudan nach gabh innse gu furasta, is uaireannan tha e nas fhasa gun càil idir a ràdh. Agus is iad na rudan nach aidich daoine – air adhbharan foill, dìth misneachd no nàire – a tha glè thric aig bonn gnothaich an seo. Tha sinne gam fiosrachadh còmhla riutha, ge-tà, is cuiridh iad smaoin oirnn – agus, mar a thachras le fìor obair-ealain sam bith, bheir sin tlachd is toil-inntinn dhuinn.